1. Стручни органи
Стручниот совет на установата го сочинуваат директорот, стручните работници, како и преставници на вработените кои вршат стручни работи – по еден преставник од Советот на воспитувачи и Совет на негователи на ниво на секој објект.
Во текот на годината тој ќе ги реализира следните задачи:
– формирање воспитно – образовни групи;
– разгледување Годишна програма за работа на установата и посебни планови за работа;
– разгледување на актуелна стручна литература и периодика;
– разгледување и усвојување новини во работата;
– разгледување и усвојување, годишна програма за стручно усовршување на кадарот и работа на стручните тела;
– решавање прашања од витално значење за градинката и сл.
2. Совет на воспитувачи
Советот на воспитувачи го сочинуваат сите воспитувачки од установата и истиот во текот на годината преку редовните средби ќе разгледува прашања од различни области кои произлегуваат од спецификата на работа, но и од моментално актуелни проблеми како:
– Поделба на посебни задолженија по градинки како и естетско и функционално уредување на просторот;
– Организирање на родителски средби и работилници по одредени теми важни за развојот на детето;
– Планирање и реализација на културно-забавниот живот, приредби, прослави и манифестации;
– Разгледување и усвојување на извештаи, анализи, резултати од воведени новини и сл.;
– Следење на непосредната работа со децата;
– Усовршување на воспитно – образовниот процес;
– Учество на стручни собири – стручно усовршување;
– Јакнење на соработката кај кадарот – работа во тимови;
– Оплеменување на ентериерот и екстериерот на градинката;
– Пренесување искуства од непосредната работа со децата;
– Разработки на теми и литература поврзани со некоја моментално актуелна проблематика во воспитно-образовната работа
3. Совет на негователи
Советот на негуватели го сочинуваат негувателите вработени во установата и со него раководи директорот на градинката. Во текот на годината советот на негуватели ќе разгледува и решава прашања од згрижувачко-воспитен и превентивно-здравствен карактер. Активности кои ги извршува Советот на негователи се следниве:
– Го усогласува работењето на негувателите во установата;
– Ја реализира програмата за стручно усовршување на негувателите во установата;
– Разгледува содржини за работа согласно програмата за работа;
– Соработува со стручниот совет, советот на воспитувачи и советот на родители.
Советувалиште за деца и родители
Со цел градење и унапредување на установата, согласно член 169 став 2 од Законот за заштита на децата, од учебната 2015/2016 год. Во градинката започна да функционира Советувалиште за деца и родители ,, Чекориме заедно “.
Работата во советувалиштето ја врши стручен тим составен од педагог, психолог, социјален работник, дефектолог, стоматолог и воспитува. Главна цел ќе биде врската помеѓу градинката и семејството да се гради и зајакнува преку поттикнување и унапредување на континуирана, квалитетна двонасочна комуникација.
Развивањето на партнерски односи со семејството како главна цел ќе има:
– Давање стручна поддршка во обезбедувањето оптимални услови за развој на детето во семејната средина преку организирање превентивни активности;
– Заедничко решавање на проблеми во воспитувањето и развојот на децата преку организирање активности за помош;
– Јакнење на родителските компетенции преку стекнување и дополнување на знаења и вештини потребни за грижа и воспитување на децата во семејството.
Советувалиштето ќе има за цел да пружи целосна подршка на родителите и да даде стручна помош при решавањето на сите проблеми и нејаснотии кои се поврзани за престојот на детето во градинка, но и помош и совет за животот на детето во семејството.Целосно ќе работи на надминување на проблемите што се јавуваат кај децата и ќе обезбедува стручна помош при нивното прилагодување на условите во градинката.
Macedonian 
Albanian